U spravie ab atručvańni byłoha rasijskaha vajennaha raźviedčyka Siarhieja Skrypala i jaho dački Julii źjaviŭsia treci padazravany, paviedamlaje «Fontanka».
Kałaž: Fontanka.
Pavodle krynic vydańnia, ułady Vialikabrytanii hatovyja abjavić saŭdzielnikam Miškina i Čapihi 45-hadovaha Siarhieja Fiadotava.
Fiadotaŭ u studzieni-lutym 2014 hoda jeździŭ u Čechiju. U hety čas, pavodle Češskaha radyjo, «Piatroŭ» i «Bašyraŭ» špijonili za Skrypalom u Prazie.
Fiadotaŭ taksama naviedvaŭ Kijeŭ, Miłan, Ženievu i Łondan. U Vialikabrytanii jon byŭ trojčy — u sakaviku 2016 hoda, sakaviku 2017 hoda i sakaviku 2018 hoda. Apošni raz jon pryjechaŭ u Vialikabrytaniju 2 sakavika, jak i «Piatroŭ» z «Bašyravym», ale inšym rejsam, a palacieŭ nazad 4-ha, u dzień zamachu, razam ź imi.
Taksama rasijskaje vydańnie paviedamlaje, što Fiadotaŭ, «Bašyraŭ» i «Piatroŭ» padčas zamiežnych pajezdak karystalisia pašpartami 64-j sieryi ź blizkimi numarami, što ŭskosna dakazvaje suviaź z HRU.