U pasiołku Łojha Archanhielskaj vobłaści, dzie pavodle daśledčykaŭ The Insider i Bellingcat naradziŭsia Alaksandr Miškin, paznali jaho na fotazdymkach Alaksandra Piatrova, jaki fihuruje ŭ «spravie Skrypaloŭ».
Žychar Łojhi Dzianis paćvierdziŭ RBK, što čałaviek na fota — heta Alaksandr Miškin. Pavodle jaho, Miškina jon nie bačyŭ z časoŭ zakančeńnia škoły. «U nas jak školnyja hady skončylisia, tak bolš i nie bačylisia. Tady telefonaŭ jašče nie było, nie było mahčymaści razmaŭlać, adpaviedna, u kožnaha svajo žyćcio pačałosia», — raspavioŭ jon.
Jašče adzin žychar pasiołka paćvierdziŭ RBK, što na zdymku Miškin. «Ja jaho pamiataju tolki pa škole. Dakładna pamiataju, vučyŭsia jon dobra. Baćki, zdajecca, u načalnikach pracavali, tak što siamja paśpiachovaja była», — adznačyŭ jon.
