Z hetaj nahody pačaŭsia zbor srodkaŭ na vydańnie knihi praz Tałaku — płatformu, jakaja dazvalaje vydaviectvu sfarmiravać papiaredni śpis zamovaŭ, a čytačam atrymać knihu naŭprost ad vydaviectva pa značna mienšym košcie, čym u kniharniach.
Na płatformie Tałaka kožny moža padtrymać prajekt dy zrabić pieradzamovu knihi.
«Dzieviać žyćciaŭ Vita More» — zachaplalny, niepradkazalny, ekśpierymientalny tvor, jaki harmanična sumiaščaje roznyja litaraturnyja žanry i fiłasofskija kancepcyi ŭ adno cełaje. Čytač akuniecca ŭ šerah histaryčnych pieryjadaŭ i padziej, kantynientaŭ i krain ad Biełarusi da Jehipta, vialikich tvoraŭ ad Dante da Kafki, idej i kancepcyj ad nicšeanstva da prahmatyzmu.
«Dzieviać žyćciaŭ Vita More» — nie stolki litaraturny tekst, razmova aŭtara z čytačom, kolki dyjałoh čytača z samim saboj i ŭłasnym unutranym śvietam. Vita More — nie prosta hałoŭny hieroj, kankretnaja asoba, ale vobraz, pratatyp, jaki, z adnaho boku, jadnaje nas, a ź inšaha — vyjaŭlaje našu roznaść i ŭnikalnaść, vyjaŭlaje našy pamknieńni, strachi, čakańni i matyvy.
Papiarednija knihi aŭtara — «Dziciačy manifiest» i «Marginalis» — uvachodzili ŭ śpisy šerahu litaraturnych premij. U pryvatnaści, «Dziciačy manifiest» uvajšoŭ u šort-list Premii imia Maksima Bahdanoviča i łonh-list Premii imia Ježy Hiedrojca. Raman «Marginalis» niekalki hadoŭ uvachodziŭ u śpisy biestsieleraŭ, u tym liku kramy oz.by.
Padrabiaźniej tut
