Ministerstva finansaŭ Biełarusi i Rasijskaj Fiederacyi abmiarkoŭvajuć pytańnie źnižeńnia staŭki pa rasijskim kredycie na budaŭnictva Biełaruskaj AES (BiełAES). Pra heta zajaviŭ u aŭtorak žurnalistam kiraŭnik enierhietyčnaha viedamstva Biełarusi Viktar Karankievič, piša TASS.
«Hetyja pieramovy iduć na ŭzroŭni ministerstvaŭ finansaŭ. Ciapier jany [minfin Biełarusi] farmujuć dadatkovy pakiet dakumientaŭ, jakija buduć nakiravanyja ŭ bližejšy čas», - adznačyŭ kiraŭnik minenierha.
«Nas buduć pryciahvać da abmierkavańnia hetych pytańniaŭ. My sa svajho boku taksama aktyŭna budziem udzielničać u pieramovach», - dadaŭ biełaruski ministr.
Karankievič taksama skazaŭ, što elektraenierhija ź Biełaruskaj AES zmoža ŭ budučyni pastupać u Litvu praź inšyja dziaržavy, niahledziačy ŭviedzienyja litoŭskim bokam zabarony.
«U lubym vypadku ŭ Respubliki Biełaruś raźvityja suviazi z Rasijskaj Fiederacyjaj, Ukrainaj, Polščaj. Tamu kali budzie zapatrabavanaja hetaja elektraenierhija ŭ hetych krainach, to technična, kali ŭ ich buduć takija mahčymaści, to, moža być, dy [pastupać u Litvu]», - skazaŭ kiraŭnik minenierha, adkazvajučy na pytańni ŭdzielnikaŭ forumu.
