Viktar Juščanka ličycca favarytam u baraćbie za pasadu pradstaŭnika Kijeva ŭ trochbakovaj kantaktnaj hrupie pa ŭrehulavańni kanfliktu na Danbasie, paviedamlajuć rasijskamu «Kommiersantu» krynicy, jakija blizkija da pieramoŭnaha pracesu.
Foto: Wikimedia Commons.
Čytajcie taksama: Łukašenka sustreŭsia ź Viktaram Juščankam. Toj pramaŭlaŭ pa-ŭkrainsku
Adna ź ich adznačyła: «Samy antyrasijski prezident Ukrainy moža ŭznačalić ukrainskuju delehacyju ŭ Minsku, i heta stanie prablemaj dla Rasii. Jon, naprykład, pa-rusku bieź pierakładčyka nie havoryć».
Pa słovach surazmoŭcy, razhladaŭsia taksama varyjant pryznačeńnia Iryny Hieraščanka, jakaja ciapier uznačalvaje ŭkrainskuju delehacyju ŭ humanitarnaj padhrupie, ale «varyjant ź Viktaram Juščankam aptymalny».
Nahadvajem, 8 kastryčnika ź Viktaram Juščankam sustreŭsia Alaksandr Łukašenka. Surazmoŭcy «Kommiersanta» ŭ Kijevie nazvali hetyja pieramovy «ahledzinami, paśla jakich Alaksandr Łukašenka pavinien niefarmalna pahadzicca z pryznačeńniem Viktara Juščanki pradstaŭnikom Ukrainy ŭ trochbakovaj kantaktnaj hrupie».
Zrešty, u Kijevie razhladajuć i varyjant admovy ad minskaha farmatu — ci chacia b jaho pierahladu.
