Prarasijskaja partyja «Zhoda», lidaram jakoj źjaŭlajecca mer Ryhi Nił Ušakoŭ, pavodle papiarednich danych, nabiraje kala 20% hałasoŭ, što vyvodzić jaje na pieršaje miesca. Pra heta paviedamlaje Delfi sa spasyłkaj na danyja Centrvybarkama Łatvii.
Usiaho ŭ siejm Łatvii pa vynikach vybaraŭ pavinny prajści siem partyj, jakija pierasiahnuli piacipracentny barjer — «Zhoda» (19,91%), centrysckaja KPV LV («Kamu naležyć dziaržava?») (14,06%), Novaja kansiervatyŭnaja partyja (13,6 %), partyja «Dla raźvićcia / Za!» (12,04%), «Nacyjanalnaje abjadnańnie» (11,03%), «Sajuz« zialonych» i sialan» (9,96%), i «Novaje Adzinstva» ( 6,67%).
Upieršyniu ŭ parłamient patrapili pravaja Novaja kansiervatyŭnaja partyja i centrysckaja KPV LV
Partyja «Ruski sajuz Łatvii» nie prajšła barjer i nie budzie pradstaŭlenaja ŭ parłamiencie. Za jaje prahałasavali tolki 3,21% vybarščykaŭ.
Niahledziačy na pieramohu, «Zhoda» pahoršyła svoj vynik u paraŭnańni z vybarami 2014 hoda. Tady partyja atrymała 23% hałasoŭ i 24 miescy ŭ parłamiencie. Z ulikam taho, što inšyja partyi ŭžo admovilisia ad supracoŭnictva sa «Zhodaj», partyja znoŭ zastaniecca ŭ apazicyi.
Lidar partyi Nił Ušakoŭ, mer Ryhi, nieadnarazova vystupaŭ u abaronu ruskaj movy. Centr dziaržaŭnaj movy Łatvii štrafavaŭ Ušakova za vykarystańnie ruskaj movy ŭ sacyjalnych sietkach z ulikam jaho statusu pradstaŭnika municypalnaj ułady.
Najbolšuju papularnaść siarod vybarščykaŭ «Zhoda» atrymała na vybarčych učastkach dla hałasavańnia za miežami krainy, u Rasii.
Vybary ŭ 13-j siejm Łatvii adbylisia napiaredadni, 6 kastryčnika.
