Uviečary 2 kastryčnika ŭ Jerevanie adbyłosia ŭznaharodžańnie łaŭreataŭ premii Free Media Awards u halinie svabody słova, piša Jeŭraradyjo sa spasyłkaj na kavkaz-uzel.eu.
Hetuju premiju za dasiahnieńni ŭ halinie niezaležnaj žurnalistyki zasnavali dva fondy, jakija padtrymlivajuć svabodu słova i presy — narviežski Fritt Ord i niamiecki Die Zeit-Stiftung Ebelin und Gerd Bucerius.
Sioleta łaŭreatami premii stali sajt «Biełaruski partyzan», pieciarburhskaja internet-hazieta «Fontanka», miedyja-płatforma z Tbilisi «Čajchana».
Naminavanyja na premiju sioleta byli 33 ŚMI z krain Paŭdniovaha Kaŭkaza, Biełarusi dy Rasii.
Paviedamlajecca, što «Biełaruski partyzan» byŭ naminavany Biełaruskaj asacyjacyjaj žurnalistaŭ. Premiju jamu ŭručyli za prafiesijnuju, praciahłuju žurnalistyku z rehijanalnym fokusam.
