Rasijanin pryjechaŭ u Słuck, kab pieradać dzieciam hrošy i padramantavać da zimy dom, u jakim jany žyvuć. Jaho byłaja žonka zdała mužčynu mihracyjnaj słužbie paśla svarki. Mužčynu pahražaje 3 hady pazbaŭleńnia voli.
Para raźviałasia niekalki hadoŭ tamu. U mai hetaha hoda mužčynu dobraachvotna vysłali ź Biełarusi za administracyjnyja parušeńni i jon pajechaŭ da siabie na radzimu — u Rasiju. Ujezd na terytoryju našaj krainy jamu zabaranili na paŭhoda.
Mužčyna trochi pažyŭ u Rasii i zasumavaŭ pa dzieciach. Jon vyrašyŭ viarnucca ŭ Słucki rajon, kab dapamahčy im i materyjalna. Da taho ž dom, u jakim jany žyvuć, patrabuje ramontu.
Mužčyna śćviardžaje, što sumavaŭ pa dzieciach i chacieŭ dapamahčy. Kartku addaŭ byłoj žoncy, kab jana kuplała pradukty i nieabchodnyja rečy. Pastupova zakuplaŭ budmateryjały dla ramontu doma.
Žančyna adrazu admaŭlała, što były muž dapamahaje joj i dzieciam, ale paźniej pryznałasia, što kartku jana sapraŭdy zabrała sabie. I što były muž sapraŭdy zajmaŭsia ramontam doma.
U adzin ź viečaroŭ rasijanin trochi vypiŭ, byłyja sužency pasvarylisia. Žančyna patelefanavała ŭ mihracyjnuju słužbu i paprasiła pryjechać inśpiektara.
Tak vyśvietliłasia, što były muž parušyŭ zakon. U dačynieńni da jaho raspačali kryminalnuju spravu za parušeńnie terminu zabarony ŭjezdu ŭ Biełaruś. Pa hetym artykule rasijaninu pahražaje da 3 hadoŭ pazbaŭleńnia voli.
Ciapier mužčyna znachodzicca pad aryštam u turmie ŭ Žodzinie, dzie čakaje suda.
