6 vieraśnia niechta ŭzłamaŭ bankamat na vulicy Kalcova i skraŭ adtul 83 tysiačy rubloŭ. A na nastupny dzień kala jašče adnaho ŭzłamanaha aparata zatrymali rasijanina, jaki pryjechaŭ u Biełaruś miesiac tamu, paviedamlaje staličnaja milicyja.
Nočču 7 vieraśnia pastupiŭ sihnał ab zboi ŭ pracy bankamata na vulicy Kuncaŭščyna. Milicyjaniery zatrymali tam 27-hadovaha rasijanina, a pry im — bolš za 146 tysiač rubloŭ, dva mabilniki, instrumienty, palčatki, izastužku (kab zalapić kamieru nazirańnia), kluč ad numara ŭ haścinicy i inšyja pradmiety.
Raspačata kryminalnaja sprava pa č. 4 art. 212 KK (Kradziež šlacham vykarystańnia kampjutarnaj techniki ŭ asabliva bujnym pamiery). Fihurantu pahražaje ad 6 da 15 hadoŭ pazbaŭleńnia voli.
