Minčuk pravioŭ usiaho tolki dva dni na voli i papaŭsia na kradziažy viełasipieda, paviedamlaje «Minsk-Novosti».
Zatrymaŭ złodzieja sam paciarpieły: jon z synam viartaŭsia dadomu i la padjezda sutyknuŭsia z mužčynam, jaki stajaŭ na leśvičnaj placoŭcy 5-ha paviercha i vynosiŭ jaho viełasipied. Haspadar pacikaviŭsia, kudy nieznajomiec nakiroŭvajecca z čužym transpartam, na što atrymaŭ adkaz: «Na dyjahnostyku».
Hramadzianin vychapiŭ z ruk złačynca svoj viełasipied. Ad niečakanaści toj straciŭ raŭnavahu, zvaliŭsia na ziamlu i navat nie pasprabavaŭ padniacca.
Paciarpieły vyklikaŭ milicyju i chutkuju. Miedyki vyśvietlili, što mužčyna mocna śpić. Pračnuŭšysia, jon raskazaŭ, što ŭ toj dzień užyŭ prykładna 15 tabletak tramadołu.
Suprać zatrymanaha raspačali kryminalnuju spravu pa č. 2 art. 205 KK Biełarusi, sankcyi jakoha praduhledžvajuć da 4 hadoŭ pazbaŭleńnia voli.
