flickr.com
U subotu, 18 žniŭnia, 53-hadovaja ministr zamiežnych spraŭ Aŭstryi Karyn Knajsl vyjdzie zamuž za 54-hadovaha pradprymalnika Volfhanha Miejlinhiera. Padzieja, jakaja naŭrad ci pryciahnuła by da siabie asablivuju ŭvahu, kali b niaviesta nie zaprasiła na viasielle prezidenta Rasii. Ale toj zaprašeńnie pryniaŭ. Sam fakt, što lidar adnoj krainy naviedaje viasielle kiraŭnika zamiežnaha viedamstva inšaj dziaržavy, — vielmi redki vypadak u suśvietnaj praktycy, piša Deutsche Welle.
Partret niaviesty
Uradženka Vieny, Knajsl praviała častku svajho dziacinstva ŭ Iardanii, u Amanie, dzie jaje baćka słužyŭ asabistym piłotam karala Chusejna, a maci pracavała ściuardesaj.
U junactvie jana vyvučała ŭ Vienskim univiersitecie movy krain Blizkaha Uschodu, potym praciahnuła navučańnie ŭ Jaŭrejskim univiersitecie ŭ Ijerusalimie i va Univiersitecie Iardanii. Akramia taho, Knajsl vučyłasia ŭ Džordžtaŭnskim univiersitecie i Nacyjanalnaj škole administracyi ŭ Francyi. Jana svabodna razmaŭlaje na šaści movach. U 1992 hodzie Knajsl abaraniła dysiertacyju na temu ab suadnosinach mižnarodnaha prava i kancepcyi miežaŭ na Blizkim Uschodzie.
Dziejny kiraŭnik MZS Aŭstryi źjaŭlajecca ekśpiertam pa Blizkim Uschodzie i śpiecyjalistam u halinie mižnarodnaha prava. U 1990—1999 hadach jana ŭžo pracavała ŭ ministerstvie zamiežnych spraŭ Aŭstryi, a zatym zaniałasia daśledavańniami i vykładčyckaj dziejnaściu.
Pierypietyi biznesu žanicha
Što tyčycca budučaha muža kiraŭnika MZS Volfhanha Miejlinhiera, jaho aŭstryjskaja hazieta Kurier nazyvaje biznesmienam, jakomu nie zaŭsiody spadarožničaje pośpiech. Jon sprabavaŭ zrabić karjeru finansista na fondavaj biržy, adnak u 2008 hodzie aŭstryjskaja słužba nahladu za finansavymi rynkami pazbaviła jaho kancesii.
Zatym jon sprabavaŭ adkryć vytvorčaść bijahazu ŭ aŭstryjskaj ziamli Burhienłand, ale nie zmoh znajści nieabchodnych dla hetaha 30 młn jeŭra. Adnym z partnioraŭ prajekta była kampanija Pronovis AG (da 2014 hoda Miejlinhier ŭznačalvaŭ jaje saviet dyrektaraŭ), ale ŭ listapadzie 2017 hady firma była likvidavanaja.
Zaraz na pytańnie pra śfieru svajoj dziejnaści Miejlinhier adkazvaje, što ŭ jaho niejki finansavy prajekt za miažoj.
Ministr pa kvocie pravych papulistaŭ
Niahledziačy na toje, što Karyn Knajsl zaŭsiody zastavałasia biespartyjnaj, z 2005 pa 2010 hady jana była ŭniesiena ŭ śpis kandydataŭ na miascovych vybarach ad kansiervatyŭnaj Aŭstryjskaj narodnaj partyi. Knajsl zajmaje žorstkuju pazicyju ŭ dačynieńni da mihrantaŭ. Jana nieadnarazova i žorstka krytykavała mihracyjnuju palityku Anhieły Mierkiel. 18 śniežnia 2017 hoda palityk zaniała kresła ministra zamiežnych spraŭ Aŭstryi va ŭradzie Siebaśćiana Kurca pa kvocie pravapapulicskaj Aŭstryjskaj partyi svabody (APS).
Knajsl zaprasiła rasijskaha prezidenta na budučaje viasielle ŭ čas jaho vizitu ŭ Vienu ŭ pačatku červienia. Miarkujučy pa ŭsim, heta była ich adzinaja sustreča. U apošnija dni ŭžo paćvierdžany vizit rasijskaha prezidenta vyklikaŭ u Aŭstryi chvalu vostraj krytyki.
Vizit rasijskaha prezidenta «nanosić škodu» Aŭstryi, zajaviŭ aŭstryjski palitołah Hierchard Manhot. Pavodle jaho słoŭ, majučy adbycca vizit «ŭzbudžaje padazreńnie» u tym, što Aŭstryja źjaŭlajecca «trajanskim kaniom» Rasii ŭ Jeŭrasajuzie.
Aŭstryjskaja partyja svabody, pa čyjoj kvocie Knajsl stała kiraŭnikom MZS, viadomaja svaimi ciesnymi suviaziami z «Adzinaj Rasiejaj». Manhot nazyvaje try pryčyny takoj blizkaści. Pa-pieršaje, pravym papulistam blizki aŭtarytarny styl Pucina. Pa-druhoje, daŭniaj tradycyjaj jeŭrapiejskich pravych papulistaŭ źjaŭlajecca padtrymka ŭsich elemientaŭ antyamierykanizmu. I pa-treciaje, kansiervatyŭnaja sistema kaštoŭnaściaŭ, abvieščanaja ŭ Kramli, šmat u čym padobnaja da ideałahičnych pazicyj «nacyjanał-kansiervatyŭnych partyjaŭ Jeŭropy».
Apazicyja krytykuje vizit Pucina
Aŭstryjski deputat Jeŭraparłamienta ad frakcyi «Zialonyja — Jeŭrapiejski svabodny aljans» Michiel Rajmon zaklikaŭ Knajsl u suviazi ź vizitam Pucina padać u adstaŭku.
Kali kiraŭnik zamiežnapalityčnaha viedamstva «nie zrobić hetaha dobraachvotna», fiederalny kancler Aŭstryi Siebaśćian Kurc pavinien prapanavać jaje adstaŭku prezidentu Alaksandru Van der Bielenu, ličyć Rajmon.
Apazicyjnaja partyja «Śpis Pilca» u svaju čarhu pakazvaje na toje, što za vizit važnaha hościa na viasielle ministra zapłaciać aŭstryjskija padatkapłacielščyki, i pakazvaje na palityčny aśpiekt zaprašeńnia.
«Jak pavinny ŭsprymać Aŭstryju ŭ śviecie ŭ roli pasiarednika, kali pamiž kiraŭnikom aŭstryjskaha MZS i prezidentam RF vidavočna isnujuć blizkija adnosiny?» — zadajecca pytańniem deputat ad partyi ŭ aŭstryjskim parłamiencie Bruna Rosman.
A maładyja tym časam rychtujucca da viasiella. Jany voźmuć na siabie ŭsie vydatki pa sustrečy haściej, uklučajučy pasłuhi achoŭnaj kampanii, zapeŭniŭ pradstaŭnik aŭstryjskaha MZS. U ministerstvie taksama adznačyli, što heta budzie «asabisty vizit na pryvatnaje mierapryjemstva», jaki nie akaža ŭpłyvu na źniešniepalityčnuju pazicyju Aŭstryi.
Siarod vysokich haściej akramia Pucina na viasielli čakajuć i kanclera Aŭstryi Siebaśćiana Kurca.
