Jany padazrajucca ŭ źniščeńni kryžoŭ.
Pra heta paviedamiŭ načalnik śledztva Ihar Baradač.
Sprava raspačataja pavodle artykułu 344 (naŭmysnaje paškodžańnie historyka-kulturnych kaštoŭnaściaŭ), jaje viadzie śledčaja Baraŭlanskaj milicyi Alena Chilčuk.
Spn. Chilčuk paćvierdziła, što kryminalnaja sprava raspačataja i viadziecca śledztva. Mienavita ŭ momant telefanavańnia jana pravodziła dopyt padazravanych.
Dvoje padletkaŭ, padazravanych u hetaj kryminalnaj spravie, ad siońniašniaha dnia buduć znachodzicca ŭ kamery śledčaha izalatara.
Kiraŭnik śledčaha adździełu Ihar Baradač paviedamiŭ "Svabodzie":
"Hledziačy na ichny vyhlad, ja b nie kazaŭ, što jany fašysty. Narmalnyja na vyhlad chłopcy. Što ich padšturchnuła?.. Jany kateharyčna admaŭlajucca, što datyčnyja da hetaha. Kažuć, što prachodzili mima, a chto łamaŭ kryžy, nia viedajuć.
Chacia tyja, jakija ich zatrymali, kankretna na ich pakazvajuć.
Ciaham adnaho dnia śledztva nie praviadzieš. Treba vyjechać na miesca. Potym praviadziem śledčy eksperyment. Potym budziem davać pravavuju acenku. Adbitki palcaŭ na drevie nie zastajucca.
Pakul my nikoha nie abvinavačvajem. U nas jość padazravanyja, i jany buduć siońnia zatrymanyja. Heta ciažkaje złačynstva.
Tam navat praduhledžana pazbaŭleńnie voli ad troch da dvanaccaci hadoŭ".
