U Minsku vynieśli prysud 22-hadovamu minčuku za žorstkaje zabojstva dziaŭčyny i zamach na jašče adnu, paviedamili ŭ Minskim haradskim sudzie. Jaho prysudzili da 22 hadoŭ turmy.
U vieraśni 2017-ha na terytoryi škoły ŭ Maskoŭskim rajonie padčas raśpićcia ałkaholu chłopiec pasvaryŭsia ź dziaŭčatami. Mužčyna paraniŭ nažom abiedźviuch, 27-hadovaja dziaŭčyna pamierła na miescy, a jaje paranienaja 28-hadovaja siabroŭka źbiehła i vyžyła.
Sud vyznačyŭ, što achviara zabojstva atrymała nie mienš za 93 udary koluča-režučymi pradmietami.
22-hadovaha minčuka prysudzili da 22 hadoŭ pazbaŭleńnia voli ŭ kałonii ŭzmocnienaha režymu. Jon taksama abaviazany zapłacić maralnuju kampiensacyju svajakam dziaŭčyny, što pamierła, u pamiery 200 tysiač rubloŭ i jašče 20 tysiač — dziaŭčynie, što vyžyła.