Paŭnočnaja Kareja stvaraje novyja balistyčnyja rakiety, niahledziačy na niadaŭniaje paciapleńnie adnosinaŭ z administracyjaj Donalda Trampa, paviedamlajuć ŚMI.
Amierykanskija čynoŭniki raspaviali Washington Post, što vyviedvalnyja spadarožniki vyjavili pastajannuju aktyŭnaść na tym miescy, dzie vypuskajuć balistyčnyja rakiety. Čynoŭnik, jakoha cytuje ahienctva Reuters, kaža, što pakul nie jasna, jak daloka prasunułasia hetaja praca.
U červieni adbyłasia sustreča prezidenta ZŠA ź lidaram Paŭnočnaj Karei Kim Čen Ynam. Paśla pieramoŭ baki damovilisia pracavać nad jadziernym razzbrajeńniem. Donald Tramp zajaviŭ, što Paŭnočnaja Kareja «ŭžo nie źjaŭlajecca jadziernaj pahrozaj». Ale amierykancy jaho raskrytykavali za sastupki i za toje, što lidar Paŭnočnaj Karei nie abaviazaŭsia spynić jadziernyja i rakietnyja prahramy.
U paniadziełak Washington Post pracytavała čynoŭnikaŭ, jakija paviedamili, što Paŭnočnaja Kareja stvaraje adnu ci dźvie novyja mižkantynientalnyja balistyčnyja rakiety na vadkim palivie. Raboty viaducca ŭ daśledčym centry Sanumdonh pablizu stalicy. Hety abjekt, jak viadoma, vypuściŭ pieršuju mižkantynientalnuju balistyčnuju rakietu KNDR Hwasong-15, jakaja zdolnaja dasiahnuć ZŠA.
