Fota Siarhieja Hudzilina
Zvarot z nahody Pierapisu nasielnictva, što maje prajści ŭ nastupnym hodzie, źmiaściła ŭ svaim fejsbuku staršynia Tavarystva biełaruskaj movy Alena Anisim.
«U 2019 hodzie adbudziecca čarhovy Pierapis nasielnictva našaj krainy. Adno z važnych pytańniaŭ datyčycca samaidentyfikacyi biełarusaŭ i naŭprost źviazanaje z nacyjanalnaj biaśpiekaj krainy, — havorycca ŭ zvarocie. — Heta pytańnie pra rodnuju movu.
My prapanujem vam niezaležna ad vašych palityčnych i relihijnych pohladaŭ, a taksama nacyjanalnaści padčas praviadzienńnia Pierapisu razmaŭlać ź pierapisčykami na biełaruskaj movie, zapaŭniać apytalnyja listy na biełaruskaj movie i paznačać svaju rodnuju movu tak: biełaruskaja»
«Tym samym vy zaśviedčycie svaju prynaležnaść da historyi i kultury našaha naroda, padtrymajecie biełaruskuju movu i paspryjajecie ŭmacavańniu niezaležnaści i nacyjanalnaj biaśpieki Respubliki Biełaruś», — adznačajuć aŭtary zvarotu.
