Fiestyvalnyja stravy Beer&Beef (źleva) i TNT Rock Club
Košt adnaho stryt-seta z asnoŭnaj stravaj i pivam «Alivaryja» składaje ad 8 rubloŭ u zaležnaści ad pamieru porcyi. Biełarusy ŭžo mohuć pasprabavać hrybnyja i syrnyja burhiery, dla hurmanaŭ — ź cialacymi ščočkami, hrecki hiras z kuraniaci ci vostry čyzstejk. Usiaho za čas Food-A-Fest staličnyja ŭstanovy prapanujuć bolš za 20 papularnych straŭ pa novych receptach.
«Na letnich fiestyvalach ź vialikim i raznastajnym fudkortam zaŭsiody chočacca pasprabavać praktyčna ŭsio, a atrymlivajecca, u najlepšym vypadku, 3—4 stravy ŭ dzień, — kamientuje Taras Macypura, namieśnik hienieralnaha dyrektara pa markietynhu pivavarnaj kampanii «Alivaryja» i arhanizatar A-Fest. — My ŭpieršyniu prapanujem biełarusam jašče da startu A-Fest pačać dehustacyju fiestyvalnych straŭ. Zaraz u śpisie ŭdzielnikaŭ 20 kafe i restaranaŭ i 7 aŭtarskich stryt-setaŭ z burhierami albo šaŭrmoj i pivam «Alivaryja».
U paniadziełak 23 lipienia da Food-A-Fest dałučylisia pieršyja ŭdzielniki: 11 ustanoŭ sietki kafe «Haraž», try kafe Doner Kebab, dva bistro «Štodziońnik», TNT Rock Club, restaran Beer&Beef, bar «Mama Styflera» i bistro Gyros Grill.
Fiestyvalnyja stravy «Haraž» (źleva) i Gyros Grill
Fiestyvalnyja stravy «Štodziońnik» (źleva) i «Mama Styflera»
Fiestyvalnaja strava Doner Kebab
Abnaŭlać mieniu Food-A-Fest buduć na praciahu nastupnych troch tydniaŭ, kab amatary vuličnaj ježy mahli kožny dzień sprabavać minimum adnu novuju stravu ź mieniu fiestyvalnaha fudkorta.
A 11 žniŭnia ŭsie ŭstanovy adkryjuć svaje vyjaznyja kaviarni ŭ Łošyckim parku padčas jeŭrapiejskaha fiestyvalu piva i ježy A-Fest. U hety dzień na scenu vyjduć brytanka Safi Elis-Bekstar, udzielnik francuzskaha muzyčnaha dueta Modjo Jan Destal, biełaruskija hurty «Bieź bileta» i Akute, a pa ŭsim parku raźmieściacca dziasiatki spartyŭnych i hulniavych placovak. Uvachod volny.