Kampanija ScriptBook raspracavała admysłovuju prahramu, jakaja dazvolić studyjam dakładniej aceńvać ryzyki ŭ prakacie. Pa słovach zasnavalnicy kampanii Nadziry Aziermaj, kali b Sony dazvoliła ałharytmu vybrać, jakija prajekty zapuskać, a jakija nie, studyja mahła b zekanomić u pieryjad z 2015-ha pa 2017-y vialikija hrošy.
U ramkach prezientacyi na mižnarodnym kinafiestyvali ŭ Karłavych Varach Aziermaj raspaviała, što ałharytm ScriptBook praanalizavaŭ scenary Sony za peŭny pieryjad. Nie źviartajučy ŭvahi na pakazčyki ŭ prakacie, prahrama zmahła vyłučyć 22 prajekty, z-za jakich studyja paciarpieła finansavyja straty. Usiaho ŭ hety pieryjad Sony vypuściła 62 filma i 32 ź ich nie akupilisia ŭ prakacie.
Sistema pracuje dastatkova prosta: karystalnik zahružaje fajł scenaryja ŭ farmacie PDF i čakaje piać chvilin. Na vychadzie jon atrymlivaje detalovy analiz, što aceńvaje uzrostavy rejtynh, piersanažaŭ i ich emocyi, hierojaŭ i zładziejaŭ i pradkazvaje metavuju aŭdytoryju, u tym liku poł, uzrost i rasu mahčymaha hledača. U dadatku da ŭsiaho, prahrama pakazvaje, jak prajekt budzie pavodzić siabie ŭ prakacie.
Pa słovach adnaho z raspracoŭščykaŭ, unutranaja baza, z dapamohaj jakoj navučajecca štučny intelekt, składajecca z 6 500 isnujučych scenaryjaŭ.
Sistema, viadoma, pakul pracuje nie idealna, i vydaje dakładny vynik u 84% vypadkaŭ.
