U Jeŭropie pačałosia anłajn-hałasavańnie, jakoje pavinna vyrašyć, na jaki mienavita čas raz i nazaŭsiody piarojduć žychary ES: zimovy ci letni, piša Deutsche Welle.
Vykonvajučy pastanovu Jeŭraparłamienta, Jeŭrapiejskaja kamisija zapuściła z čaćviarha 5 lipienia, sajt, na jakim žychary krain ES mohuć da 16 žniŭnia prahałasavać za toje, jakomu času jany addajuć pieravahu: letniamu abo zimovamu.
Pierachodu z adnaho na inšy bolš nie budzie. Zrešty, mienavita ciapier prahałasavać niemahčyma: ad napłyvu žadajučych sajt ruchnuŭ. Zamiest jaho adkryvajecca staronka, na jakoj Jeŭrakamisija na roznych movach prynosić prabačeńni za toje, što sajt nie pracuje.
Roźnicy ŭ časie pamiž Minskam i Vilniaj (Ryhaj, Talinam) uletku niama, z Varšavaj, Bierlinam, Paryžam i Prahaj składaje adnu hadzinu.
Uzimku roźnicaj u časie pamiž Minskam i Vilniaj składaje hadzinu, z Varšavaj, Bierlinam, Paryžam — dźvie hadziny.
