Na biełaruska-polskaj miažy aryštavanaja 26-hadovaja rasijskaja instahram-madel Maryja Chreścina (u jaje 162 tysiačy padpisčykaŭ).
Incydent adbyŭsia jašče 5 maja. Jak paviedamlaje Śledčy kamitet, Chreścina nabyła na terytoryi Jeŭrasajuza i viezła s saboj nie mienš za 1,14 hrama marychuany. Adznačajecca, što i ŭ arhaniźmie madeli taksama vyjavili narkatyčnyja rečyvy.
Chreścina viartałasia na radzimu z padarožža pa Bałtycy i Polščy ŭ jakaści pasažyra lehkavika. Ci jość pretenzii ŭ siłavikoŭ da kiroŭcy, nieviadoma.
U dačynieńni Chreścinaj zaviedziena kryminalnaja sprava za niezakonnaje pieramiaščeńnie narkatyčnych srodkaŭ praź miažu Jeŭrazijskaha ekanamičnaha sajuza.
Instahram-madeli pahražaje ad 3 da 7 hadoŭ źniavoleńnia z kanfiskacyjaj majomaści albo biez kanfiskacyi.
