Hrodzienskija mytniki spynili niezakonny ŭvoz na terytoryju JEAES amal 3 tys. adzinak maniet i banknot, jakija ŭjaŭlajuć kulturnuju kaštoŭnaść, paviedamlaje sajt viedamstva.
Hramadzianin Armienii nakiroŭvaŭsia na terytoryju JEAES praz punkt propusku «Bierastavica» ź Ispanii. Pry praviadzieńni mytnych apieracyj jaho lehkavy aŭtamabil nakiravali na ahlad. Na im paćvierdziłasia najaŭnaść u schovankach utojenaha tavaru. Z admysłovaj kanstrukcyi na dnie Mercedes mytniki vyniali amal 1000 maniet i bolš za 1700 banknot roznych dziaržaŭ i roznych naminałaŭ, kišennyja i naručnyja hadzińniki, miedaljony i inšaje.
Pavodle zaklučeńnia ekśpierta mytnaj łabaratoryi, amal usie z vyjaŭlenych pradmietaŭ ujaŭlajuć kulturnuju kaštoŭnaść. Najbolšuju kaštoŭnaść majuć staradaŭnija maniety i banknoty časoŭ Rymskaj impieryi i Vizantyi. Siarod rarytet — arabskija dyrchiemy XIII stahodździa, kišennyja francuzskija hadzińniki kanca XIX stahodździa, jeŭrapiejski kašalok, mieksikanski miedaljon i pamiatnyja miedali pačatku XIX stahodździa.
Rašeńniem suda Kastryčnickaha rajona h. Hrodna tavar, jaki niezakonna pieramiaščaŭsia praz mytnuju miažu, kanfiskavany, hramadzianin Armienii aštrafavany na 50 bazavych vieličyń.
