Śviatłana Dubkova šmat razoŭ zaśviaciłasia ŭ fotarepartažach z akcyj pratestu kala restarana «Pajedziem, pajadzim», jaki znachodzicca ŭ niepasrednaj blizkaści ad uročyšča Kurapaty. Śviatłana admaŭlajecca razmaŭlać sa ŚMI, ale časam ustupaje ŭ dyskusii ŭ internecie.
Prynamsi, jana pakinuła kamientar pad artykułam na sajcie Radyjo «Svaboda» ab tym, jak pratestoŭcy nie puścili ŭ restaran bajkieraŭ. Pakidajem aŭtarskuju arfahrafiju i punktuacyju:
«Eto nie akcija protiesta, a zbor uhołovnikov i ludiej u kotorych niet nikakich idiej. Ludi stojat, brosajutsia na mašiny, narušajut vsie praviła zakona. Eto nie narod. Eto ludi kotoryje idut protiv hosudarstva i chotiat vniesti chaos. Cievielizovannyje ludi vsiehda najdut bukvu zakona a nie razvodiat bordak v obŝiestviennych miestach», — napisała Dubkova.
Paźniej administratarka restarana ŭstupiła ŭ dyskusiju z kamientatarami na staroncy Paŭła Sieviarynca ŭ fejsbuku.
«Dziakuj usim za kamientary. Prahledzieła vašy staronki. I ŭsio, što chočacca Vam skazać… mnie asabista vas škada… Ničoha karysnaha vy nie robicie ni dla Kurapataŭ, ni dla hramadstva», — napisała spadarynia Dubkova.
«Usio, što ja dumała pra vas, ja napisała. Mierkavańnie nie źmianiłasia. Kłouny i pravakatary», — heta było apošniaje paviedamleńnie ad administratarki «Pajedziem, pajadzim».
Śviatłanie Dubkovaj 41 hod. Jana skončyła handlovy kaledž u Minsku, a taksama BDEU.
