Pra heta paviedamili jaje byłym klijentam, kali tyja znoŭ źviarnulisia pa jaje pasłuhi ŭ Centar pravoŭ čałavieka, jaki Viera Stramkoŭskaja ŭznačalvała šmat hadoŭ.
Žurnalistam u Centry kažuć, što Viera Stramkoŭskaja ŭziała adpačynak i źjechała z krainy, a ci jana vierniecca, im nieviadoma. Pryčyny adjezdu viadomaj pravaabaroncy jaje byłyja kalehi nie kamentujuć. U Centry pravoŭ čałavieka zajaŭlajuć, što hetaja arhanizacyja praciahvaje dziejničać, ale pad inšym kiraŭnictvam.
U Pieršamajskaj advakackaj kansultacyi, dzie pracavała Viera Stramkoŭskaja, paviedamili, što jana zvolnienaja adtul z 15 kastryčnika.
Pavodle niekatorych krynicaŭ, Viera Stramkoŭskaja źjechała ŭ Švajcaryju, a pryčyny hetaha źviazanyja z asabistym žyćciom.
Viera Stramkoŭskaja zajmałasia pravaabarončaj dziejnaściu ŭ Biełarusi z kanca 1990‑ch hadoŭ. Jak advakatka abaraniała ŭ sudoch takich viadomych dziejačaŭ i palitykaŭ, jak Vasil Staravojtaŭ, Mikałaj Statkievič, Michaił Marynič, aktyvistaŭ moładzievaha ruchu i ŭdzielnikaŭ vuličnych akcyj pratestu. Vykazvałasia mierkavańnie, što jakraz dziakujučy jaje advakackim namahańniam sioleta stała šyroka viadomaju i dajšła da sudu hetak zvanaja sprava pra «žyvy ščyt».