U Mienharvykankam i Mienabłvykankam padadzienyja zajaŭki na praviadzieńnie 2 listapada (niadziela) šeścia da ŭročyšča Kurapaty i mitynhu ŭ im z nahody Dnia pamiaci prodkaŭ..
Jak paviedamiŭ namieśnik staršyni KCHP‑BNF Juraś Bieleńki, adkazu pakul niama.
Tym nia mienš, padkreśliŭ sp. Bieleńki, akcyja ŭšanavańnia prodkaŭ projdzie jak i minułyja hady: zbor udzielnikaŭ a 10:30 kala hadzińnikavaha zavodu (st. metro «Park čaluskincaŭ»), šeście da Kurapataŭ ad 11‑j i mitynh va ŭročyščy ad 14.30 pa 17.00.
U Kurapatach dahetul zastajecca šmat miescaŭ rasstrełaŭ, nie paznačanych kryžami. Hramadzianie, što žadajuć ustalavać va ŭročyščy kryž, mohuć źviartacca da sakratara Ŭpravy Alesia Čacholskaha, jaki prymaje achviaravańni. Na atrymanyja srodki, u tym liku i sabranyja padčas akcyi, buduć vyrablenyja kryžy, a achviaradaŭcy zmohuć ich ustalavać u Kurapatach. Kantaktny telefon: +375 29 124 46 86.
Nahadajem, što Partyja BNF, u svaju čarhu, ładzić šeście u Kurapaty 2 listapada, startujučy ad Uschodnich mohiłak.
Šeście na Dziady.
