Siońnia ŭ Danii startuje čempijanat śvietu pa chakiei ŭ elitnym dyvizijonie. Formuła tradycyjnaja: 16 zbornych raźbityja na dźvie hrupy pa vosiem u kožnaj.
Kamanda Biełarusi hulaje ŭ hrupie sa Šviecyjaj, Rasijaj, Francyjaj, Šviejcaryjaj, Čechijaj, Słavakijaj, Aŭstryjaj.
Pieršy matč — sa Šviecyjaj (siońnia, u 21:10). Zaŭtra supiernikam Biełarusi budzie Francyja (17:15), u paniadziełak — hulnia z Rasijaj (17:15). Zatym matč sa Šviejcaryjaj, z Čechijaj, 12 maja — z Aŭstryjaj, a zavieršycca hrupavy raŭnd hulnioj sa Słavakijaj.
Formuła nastupnaja. Zbornyja ŭ hrupie pravodziać adnakołavy turnir, u čverćfinał vychodziać čatyry zbornyja, a kamanda, što zojmie apošniaje miesca, pakidaje elitu.
Praŭda, treba ŭličvać, što nastupny čempijanat projdzie ŭ Słavakii, tamu hetaja zbornaja zastaniecca ŭ najvyšejšym dyvizijonie.
