Aktyvisty ŭ kazackaj formie i pradstaŭniki samaabvieščanych respublik Danbasa zabłakavali ŭvachody i vychady z Sacharaŭskaha centra ŭ Maskvie, dzie prachodzić fiestyval «Muza niepakorlivych». Pra heta RBK raspavioŭ supracoŭnik muzieja.
«Zabarykadavałasia hadziny try tamu, ciapier pryjechali supracoŭniki AMAPu, adviali hetych aktyvistaŭ u svoj aŭtobus i pravodziać tłumačalnyja hutarki, zaraz usio spakojna», — raspavioŭ surazmoŭca RBK. Pavodle jaho słoŭ, usiaho było 30 aktyvistaŭ, jany abvinavačvali arhanizataraŭ fiestyvalu ŭ padtrymcy teraryzmu.
«Jašče try čałavieki praciahvajuć stajać la ŭvachodu ŭ centr i pra štości hučna łajacca», — adznačyŭ supracoŭnik muzieja. Pavodle jaho słoŭ, 1 maja — pieršy dzień fiestyvalu, i šerah udzielnikaŭ bačyli napiaredadni zakliki ŭ sacsietkach pa jaho zryvie. Pa słovach supracoŭnika muzieja, niahledziačy na incydent, mierapryjemstva praciahvajecca.
U pres-słužbie HU MUS pa Maskvie nie zmahli ni paćvierdzić, ni abvierhnuć infarmacyju ab prybyćci supracoŭnikaŭ pravaachoŭnych orhanaŭ u Sacharaŭski centr. U pres-słužbie Centralnaha akruhi vojskaŭ nacyjanalnaj hvardyi zajavili RBK, što ich supracoŭniki nie vyjazdžali ŭ muziej.
Dvuch aktyvistaŭ nacyjanalistyčnaha ruchu SERB, jakija sprabavali trapić na fiestyval «Muza niepakorlivych», zatrymali supracoŭniki palicyi. Pra heta paviedamiŭ RBK lider ruchu Ihar Biekietaŭ. «Jašče zatrymali traich ź imi čałaviek, ale heta byli prosta dobraachvotniki. Ciapier ich užo adpuścili, praviali ź imi hutarku i ŭsio», — skazaŭ Biekietaŭ. Pavodle jaho słoŭ, aktyvisty ruchu sprabavali trapić na fiestyval, kab daviedacca, što pradstaŭlena na ekspazicyi.
«U nas nie było metaŭ zryvać mierapryjemstva. My chacieli pahladzieć [što tam], tamu što była razmova, što, naprykład, na fiestyvali nibyta malunki ŭsiakija, jakija prasłaŭlajuć bajcoŭ ATO (antyterarystyčnaj apieracyi). Takoha ŭ našaj krainie być nie pavinna», - skazaŭ lidar SERB.
Biekietaŭ dadaŭ, što da Sacharaŭskija centru pryjechali kazaki i Sajuz dobraachvotnikaŭ Danbasa, usiaho było «kala 100 čałaviek».
«Naohuł ludziej trymali doŭha, zaraz jašče da hetaha času z kimści hutarki pravodziać», — padkreśliŭ lidar SERB.
«Muza niepakorlivych» — muzyčna-paetyčny fiestyval, jaki pryśviečany pratestavamu ruchu ŭ Rasii. Jon pavinien byŭ pačacca a 12:00 i praciahnucca da 23.30. Na fiestyvali płanavałasia pradstavić mastackija tvory, fatahrafii, vieršy i pieśni, pryśviečanyja hramadzianskaj supolnaści ŭ Rasii i śviecie.