Priessboł
Chakieisty zbornaj Biełarusi paciarpieli šostuju zapar parazu ŭ Jeŭravykliku, sastupiŭšy ŭ Žłobinie kamandzie Narviehii. Pry hetym pa kolkaści kidkoŭ pa bramie biełarusy pieraŭzyšli skandynavaŭ amal udvaja, piša Tut.by.
28 krasavika ŭ Babrujsku biełarusy znoŭ prymuć Narviehiju. Heta budzie zaklučnaja pravierka siłaŭ pierad čempijanatam śvietu ŭ Danii. Da hetaha matču biełarusy prajhrali šeść razoŭ zapar — Finlandyi, Šviejcaryi (2 razy), Danii (2 razy) i Narviehii.
Čempijanat śvietu ŭ dackich Chierninhu i Kapienhahienie projdzie z 4 pa 20 maja.
Na papiarednim etapie Biełaruś trapiła ŭ hrupu «A», dzie jaje supiernikami stanuć kamandy Rasii, Šviecyi, Čechii, Šviejcaryi, Słavakii, Francyi i Aŭstryi. Matčy hetaj hrupy prymie 12,5-tysiačnaja Royal Arena u Kapienhahienie.
4 maja — 21.15 — Šviecyja — Biełaruś
5 maja — Francyja — Biełaruś
7 maja — 17.15 — Biełaruś — Rasija
9 maja — 16:15 — Šviejcaryja - Biełaruś
11 maja — 21.15 — Biełaruś — Čechija
12 maja — 17.15 — Aŭstryja — Biełaruś
15 maja — 17.15 — Biełaruś — Słavakija.
U čverćfinał vychodziać pa 4 kamandy kožnaj hrupy, zbornyja, što zojmuć apošnija miescy, zhubiać prapisku ŭ elitnym dyvizijonie.
