Ahułam kanfiskavana amal 64 tysiačy pačkaŭ cyharet na ahulnuju sumu bolš za 84,5 tysiačy rubloŭ. Na tytuniovaj pradukcyi adsutničali dakumienty, jakija paćviardžajuć lehalnaść ich nabyćcia, na častcy partyi adsutničali akcyzy, paviedamlaje UUS Minharvykankama.
Bujnaja partyja tytuniovych vyrabaŭ była znojdziena ŭ vyniku praviadzieńnia sumiesnych apieratyŭna-vyšukovych mierapryjemstvaŭ supracoŭnikaŭ Minskaha RUUS, pradstaŭnikoŭ Dziaržpahrankamiteta i inśpiekcyi Ministerstva pa padatkach i zborach pa h. Baranavičy.
Cyharety byli biez dakumientaŭ, jakija paćviardžajuć lehalnaść ich nabyćcia. 29-hadovy haspadar haražnaha pamiaškańnia rastłumačyŭ, što častka cyharet naležyć jamu, inšaja častka — siabru-žycharu Ukrainy. Tytuniovyja vyraby nibyta byli nabyty dla asabistaha spažyvańnia.
U dziejańniach fihuranta supracoŭniki BEZ uhledžvajuć prykmiety składu administracyjnaha pravaparušeńnia pa art. 12.27 KaAP Biełarusi. Sankcyi ciahnuć nakładańnie štrafu ŭ pamiery da sta bazavych vieličyń z kanfiskacyjaj tytuniovaj pradukcyi.
