Kiraŭnik municypalnaj adukacyi Pieciarburhskaj akruhi Bałkanskaja Savielij Lebiedzieŭ pryjšoŭ ź vinšavańniami ŭ hości da žančyny, jakaja pieražyła terakt u mietro Sankt-Pieciarburha 3 krasavika 2017 hoda. Pra heta piša «Rosbałt».
Lebiedzieŭ, uśmichajučysia, nazvaŭ haspadyniu imianińnicaj i skazaŭ, što pryjšoŭ pavinšavać jaje z hadavinaj. Taja papraviła jaho, adznačyŭšy, što nie źjaŭlajecca imianińnicaj, i nahadała pra sumny kantekst padziei, što adbyłasia hod tamu.
Čynoŭnik pieradaŭ žančynie bukiet i pakiet z padarunkam, paśla čaho zajaviŭ, što nie moh zastacca ŭ baku. «U mianie taksama babula ź dziadulem byli ŭ kancłahiery ŭ niejkim, tamu ja vielmi surjozna staŭlusia da hetaha ŭsiaho», — dadaŭ jon.
3 krasavika 2017 hoda ŭ vahonie ciahnika pieciarburhskaha mietro na pierahonie pamiž stancyjami «Siennaja płošča» i «Technałahičny instytut» adbyŭsia vybuch. Zahinuli 16 čałaviek, u tym liku śmiarotnik, jaki ździejśniŭ padryŭ bomby. Jaho asoba ŭstanoŭlena - im akazaŭsia 22-hadovy ŭradženiec Kyrhyzstana Akbaržon Džaliłaŭ, jaki atrymaŭ rasijskaje hramadzianstva.
