Fota: NASA / SSV, MIPL, Magellan Team
Atmaśfiera Vieniery raspalenaja da 462°C, na joj praktyčna niama vady, jaje pavierchnia pakrytaja vułkanami, a atmaśfiera składajecca z vuhlakisłaha hazu i siernaj kisłaty.
Ale nie ŭsie astranomy ličać, što Vieniera całkam źniežyviełaja. Ideja taho, što žyćcio na Vieniery varta šukać nie na jaje pavierchni, dzie sapraŭdy isnujuć zanadta surovyja ŭmovy, a ŭ vierchnich płastach atmaśfiery, naradziłasia ŭ płanietołahaŭ paśla taho, jak jany sprabavali rastłumačyć adnu niezrazumiełaść u śpiektry śviatła, adlustravanaha ad abłokaŭ Vieniery.
Jak tłumačać navukoŭcy, «kisłotnyja» chmary płaniety niezvyčajnym čynam adlustroŭvajuć i pahłynajuć ultrafijaletavyja pramiani. Heta nielha rastłumačyć prysutnaściu vuhlekisłaty, siernych hazaŭ i inšych typovych kampanientaŭ jaje atmaśfiery.
Na Ziamli bakteryi i archiei sustrakajucca i žyvuć na vyšyniach prykładna ŭ 30-40 kiłamietraŭ ad pavierchni Ziamli, u tym liku ŭ abłokach. U abłokach Vieniery panujuć dosyć miakkija tempieratury (kala 60°C), prysutničaje vada i patencyjnaja «ježa» dla žyćcia — złučeńni siery i vuhlakisły haz. Mnohija ziamnyja mikroby, jakija žyvuć u haračych krynicach, vytrymlivajuć tempieratury, jakija pieravyšajuć 70°C, i siłkujucca vuhlakisłym hazam, vykarystoŭvajučy jaho dla akiśleńnia siery i atrymańnia enierhii, adnačasova vyłučajučy siernuju kisłatu. Niešta padobnaje, jak vykazali zdahadku navukoŭcy, moža adbyvacca i na Vieniery.
Navukoŭcy praanalizavali vienieryjanskija abłoki, vykarystoŭvajučy dadzienyja z zondaŭ i naziemnych nazirańniaŭ. Zamiery pakazali, što vobłaści z «dziŭnym» śpiektram skancentravanyja tam, dzie znachodziacca skapleńni nanačaścic, padobnych i pa pamierach, i pa ŭzajemadziejańniu sa śviatłom na tyja kropli aerazolaŭ i kryštali lodu, jakija ŭźnikajuć u ziamnych abłokach vakoł žyvych mikrobaŭ, sporach hryboŭ i pyłku raślin.
Jak spadziajucca navukoŭcy, ich mierkavańni pryciahnuć uvahu ekśpiertaŭ NASA i śpiecyjalistaŭ «Raskosmasa», jakija zaraz raspracoŭvajuć płany pa stvareńni sumiesnaj fłahmanskaj misii «Vieniera-D».