Pra heta paviedamiŭ u intervju Radyjo Svaboda śviatar Juryj Sańko.
Niadaŭna parafija atrymała ad minskich uładaŭ 2 hiektary dla dobraŭparadkavańnia i absłuhoŭvańnia.
«Heta byłaja terytoryja «Biełsiełu», dzie stajali hłušyłki. My majem dazvoł na dobraŭparadkavańnie terytoryi.
Dziakujučy padtrymcy ambasady Polščy my vykonvajem adzin prajekt pa dobraŭparadkavańni: budzie zroblena šmatfunkcyjanalnaja raźvivalnaja placoŭka dla dziaciej u vyhladzie karabla. Sioleta ŭ traŭni my planujem hetuju pracu zaviaršyć, i hetaja terytoryja budzie adkrytaja dla ŭsich. Viadoma, heta budzie stylizavanaja terytoryja, bo tut byłyja mohiłki. Z časam źjavicca tam vuličny kryžovy šlach», — kaža ajciec Jury Sańko.
Takim čynam, horad atrymaje jašče adnu parkavuju placoŭku dla siemjaŭ, kab adpačyć, pamalicca, kaža ajciec Jury. Park budzie adkryty z 8 da 22 hadziny, uvachod — z boku vulicy Załataja Horka.
Na ramont i restaŭracyju budynkaŭ, jakija tut zastalisia, taksama patrebny davoli vialikija srodki, kaža Jury Sańko.
«Ale pry ŭmovie, što budynki buduć adramantavanyja, horad pieradaść ich nam. U adnym planujecca zrabić adukacyjny centar: kanferenc-zalu, niekalki nievialikich klasaŭ. Druhi budynak stanie majsterniaj, tam nievialikaja płošča — 40 kvadratnych metraŭ. Užo bolš za hod u nas pracuje škoła vyjaŭlenčaha mastactva «Kryły natchnieńnia» — 75 čałaviek pry kaściole navučajucca biaspłatna. Pryčym tam tolki 20 dzietak, astatnija — darosłyja. Heta budzie taksama miesca sustrečy dla moładzievych hrup», — padzialiŭsia planami ksiondz Jury Sańko.
