Anatol Antonaŭ (Fota: Ryhor Sysojeŭ / RIA Naviny)
Pasoł Rasii ŭ ZŠA Anatol Antonaŭ prapanoŭvaŭ amierykanskim čynoŭnikam sustrecca, kab abmierkavać situacyju ŭ adnosinach krain. Adnak na jaho prapanovy bolšaść ź ich niaźmienna nie davali adkazu, raskazaŭ dypłamat u intervju NBC.
«Ja prapanoŭvaŭ maim kaleham ź Dziarždepartamienta, ź Pientahona sustrecca ŭ majoj rezidencyi, pasiadzieć, pahavaryć. Kali vy baiciesia, kazaŭ ja, chadziem, sustreniemsia ŭ restaranie i abmiarkujem usie składanyja pytańni», — raspavioŭ Antonaŭ. «Heta było piać miesiacaŭ tamu. I ŭsio, što ja atrymaŭ u adkaz, — maŭčańnie».
Antonaŭ padkreśliŭ, što jon moh by abmierkavać z amierykanskimi čynoŭnikami ŭsie prablemy, jakija ich cikaviać, adnak usie sproby arhanizavać sustreču ź jaho boku cierpiać niaŭdaču.
Słovy Antonava paćviardžaje i materyjał haziety Politico. Pra toje, što Antonaŭ adčuvaje ciažkaści ŭ znosinach z amierykanskimi aficyjnymi asobami, hazieta Politico pisała jašče 7 sakavika. Tak, pieršaja sustreča Antonava z adnym z amierykanskich sienataraŭ prajšła tolki praz try miesiacy paśla jaho pryjezdu ŭ Vašynhton. Jak skardziŭsia sam Antonaŭ, znosinam z amierykancami pieraškadžaje atmaśfiera «rusafobii» u Vašynhtonie. «Kanhres, u jakim pravadyrničaje rusafobija, chutčej dziejničaje pad uździejańniem praduziatych emocyj, čym na asnovie łohiki. Nam prama kazali, što bajacca krytyki [z-za sustreč], — rastłumačyŭ jon. — Usio, što ja čuju, — «umiašańnie, umiašańnie». Ale ja nie viedaju takoha słova. Ja chaču pahavaryć pra siabroŭstva, ab supracoŭnictvie». Pry hetym Antonaŭ dadaŭ, što adrazu paśla pryjezdu jon sustreŭ «ciopłaje i pryjaznaje staŭleńnie» ŭ Biełym domie i Dziarždepie, adnak heta družalubnaść zastałasia tolki na słovach.
