Eduard Palčys daŭ spravazdaču pa hrašovych srodkach, jakija byli sabrany i vykarystany ŭ chodzie arhanizacyi kampanii #BNR100 i śviata kala Opiernaha Teatra. Ahulnaja suma sabranych srodkaŭ dasiahaje amal 54 000 rubloŭ, ź ich:
— 36 860 rubloŭ praz kraŭdfandynhavuju płatformu Talaka.by.
— 14 000 rubloŭ unieśli sponsary: hienieralny partnior BiełaPAN, a taksama — Cieślary, hulniavaja placoŭka QUVALDA, internet-katałoh biełaruskaha biznesu SVAJE.BY i krama «Moj modny Kut».
— 3000 rubloŭ pieraličyli najaŭnymi prama ŭ ruki, na bankaŭskija karty i servisy elektronnych hrošaj.
Scena, huk, ekran, hienieratary i h.d. — za 24 000 rubloŭ.
Techničnyja patreby muzykaŭ i muzyčny składnik — 6240 rubloŭ.
Druk proma-pradukcyi, druk baneraŭ, rekłama ŭ sacyjalnych sietkach, vyrab videarolikaŭ i h.d. — 8783 rubli.
Cełaja kamanda SMM-šnikaŭ i tarhietołahaŭ biaspłatna pracavała va ŭsich sacyjalnych sietkach, achoplivajučy sotni tysiač biełarusaŭ. Vynikam hetaha i stała ad 30 da 50 tysiač naviedvalnikaŭ, bolšaść ź jakich pryjšli na Dzień Voli ŭ pieršy raz.
Prybiralni — 5105 rubloŭ.
Achova, arhanizacyja fudkort, charčavańnie vałancioraŭ, infacentr, arenda racyj, bejdžy i h.d. — 2809 rubloŭ.
Niepasredna scenu abierahajuć 15 čałaviek prafiesijnaj kancertnaj achovy, ale akramia hetaha ŭ nas pracavała kala 50 čałaviek družyny i kala 60 vałancioraŭ.
Mierapryjemstva pierad Dniom Voli — 2400 rubloŭ.
Dapamoha ŭ praviadzieńni śviata ŭ rehijonach — 1635 rubloŭ.
Brest, Hrodna, Homiel, Mahiloŭ, Lublin, Słuck, Baranavičy — #BNR100 achapiŭ nie tolki Minsk.
Padatki, kamisii i h.d. — 2945 rubloŭ.
Apłata pracy kamandy #BNR100 — 0 rubloŭ.
Takim čynam, ludzi sami stali arhanizatarami pieršaha stahodździa BNR. A heta značyć, što ŭsio tolki pačynajecca…