Niekatoryja pasłuhi paštovaj suviazi padaražejuć z 2 krasavika. Takaja infarmacyja raźmieščana na sajcie RUP «Biełpošta».
Z 2 krasavika źmieniacca taryfy na asobnyja nierehulujemyja ŭnutryrespublikanskija pasłuhi paštovaj suviazi ahulnaha karystańnia. Heta pierasyłańnie prostych drobnych pakietaŭ, adpraŭleńniaŭ «1 kłas», zakaznoj piśmovaj karespandencyi, karespandencyi z abvieščanaj kaštoŭnaściu, pasyłak. Pavyšeńnie taryfaŭ na pasłuhi składzie ŭ siarednim 6% da ŭzroŭniu taryfaŭ, jakija dziejničajuć z 27 sakavika 2017 hoda.
«Biełpošta» adznačaje, što zastanucca niaźmiennymi taryfy na pierasyłku ŭnutryrespublikanskich adpraŭleńniaŭ JEMS, paštovaha hrašovaha pieravodu, pasłuh «Paštovy kurjer», «Pramaja paštovaja rekłama», «Paštovy markietynh», «Miascovaja pasyłka», «Ekspres-kuŕjer».
