Delfi.lt
Stan hary Hiedymina ŭ Vilni paśla zimy zastajecca krytyčnym, ale stabilnym, niebiaśpieka apoŭźniaŭ zachoŭvajecca ŭ asnovie zachodniaha schiłu i ŭ paŭdniova-ŭschodniaj častcy abarončaj ściany, skazaŭ vice-ministr kultury Litvy Renaldas Aŭhuścinavičus, piša Delfi.lt
«Stan aceńvajecca jak krytyčny, ale situacyja stabilnaja. Samyja niebiaśpiečnyja siektary pryviedzieny ŭ paradak, tam zroblena ŭsio mahčymaje na siońniašni dzień. Možna skazać, što ŭsie niebiaśpiečnyja miescy stabilizavanyja», — skazaŭ žurnalistam vice-ministr, zaŭvažyŭšy, što samaje niebiaśpiečnaje miesca — padnožža zachodniaha schiłu. Pavodle jaho słoŭ, zimoj na ŭsie defarmacyi apieratyŭna reahavali, a ciapier pracy aryjentavany na samyja niebiaśpiečnyja miescy.
Aŭhuścinavičus zapeŭniŭ, što pakul hara budzie zakryta dla turystaŭ, bo niemahčyma harantavać biaśpieku turystaŭ, taksama jany buduć zaminać pracam.
