AP
U Vieniesuele pry pažary ŭ centry ŭtrymańnia źniavolenych pry palicyi štata Karaboba zahinuli prynamsi 78 čałaviek. Pra heta paviedamlaje vydańnie El Pais.
Centr raźmieščany ŭ horadzie Valensija, pažar uźnik paśla taho, jak u im pačaŭsia bunt. Pa infarmacyi vydańnia, siarod zahinułych 10 žančyn. Aficyjnych dadzienych pa zahinułych pakul niama.
El Pais adznačaje, što centr pierapoŭnieny. Bunt pačaŭsia ŭ momant naviedvańnia źniavolenych svajakami. Pa infarmacyi vydańnia, źniavolenyja vyrašyli ŭziać adnaho z naviedvalnikaŭ u zakładniki dla taho, kab pradjavić uładam «peŭnyja patrabavańni». Zakładnik byŭ paranieny nažom. Pakolki ŭłady nie adkazali na ich patrabavańni, jany pačali spalvać matracy, u vyniku čaho adbyŭsia pažar. Adznačajecca, što bolšaść achviar, u tym liku niekatoryja naviedvalniki, zahinuli ad udušša.
