Kładaŭščyca dziciačaha sadka № 37 Lidy ciaham hoda krała pradukty, jakija pryznačalisia dla vychavancaŭ. Jana musić zapłacić štraf u 30 bazavych vieličyń i nie moža zajmać adkaznyja pasady ciaham dvuch z pałovaj hod, piša «Lidskaja hazieta».
Padčas adnoj z pravierak dziciačaha sadka vyśvietliłasia, što nie chapaje amal paŭtara kiłahrama varanaj kaŭbasy. Vyśvietliłasia, što jaje skrała kładaŭščyca. Žančyna sprabavała ŭsich zapeŭnić, što kaŭbasa sapsavałasia, tamu jana jaje vykinuła. Ale pra takija vypadki jana musiła b kazać zahadčycy i kaŭbasu nie vykidać, a viartać pastaŭščyku z zamienaj na śviežy pradukt.
Paśla pravierki dakumientaŭ akazałasia, što ciaham hoda supracoŭnica «vykinuła» praduktaŭ na 844 rubli 30 kapiejek. Žančyna krała miasa, krupy, masła, marharyn. Jana pryznała svaju vinu i kampiensavała skradzienuju sumu.
