Padčas matčaŭ płej-of kamandy zmohuć pravodzić pa čatyry zamieny zamiest troch.
Vyklučna ŭ finale Lihi čempijonaŭ, finale Lihi Jeŭropy i matčy za Supierkubak ŭ zajaŭku možna budzie ŭklučyć 23 hulcy (va ŭsich astatnich matčach — 18). Takim čynam, na łaŭcy zapasnych zmohuć znachodzicca 12 futbalistaŭ zamiest siami.
Byŭ taksama zaćvierdžany novy čas praviadzieńnia matčaŭ. U Lizie čempijonaŭ matčy raŭnda płej-of, hrupavoha etapu, 1/8 finału, 1/4 finału, 1/2 finału i finału buduć pačynacca a 21.00 pa siaredniejeŭrapiejskim časie.
Pa dva matčy ŭ aŭtorak i sieradu na hrupavym etapie buduć pačynacca ŭ 19.55. U apošnim tury ŭsie matčy buduć pačynacca adnačasova. Administracyja UEFA moža rabić vyklučeńni z hetych pravił.
U Lizie Jeŭropy UEFA matčy ad hrupavoha etapu da 1/8 finału buduć pačynacca ŭ 19.55 i 22.00. Jak praviła, abodva matčy adnoj hrupy ŭ apošnim tury pavinny pačynacca adnačasova. Čverćfinały, paŭfinały i finał buduć pačynacca ŭ 22.00. Administracyja UEFA moža rabić vyklučeńni z hetych pravił.
