U Ispanii zatrymali ŭkrainskaha chakiera, kiraŭnika kibierzłačynnaha sindykata, jaki atakavaŭ 100 finansavych ustanoŭ pa ŭsim śviecie, paviedamlaje Financial Times.
Pa dadzienych Jeŭrapoła, banda pryniesła bolš za 1 młrd jeŭra strat bankam u bolš čym 40 krainach śvietu, vykarystoŭvajučy škodnasnaje prahramnaje zabieśpiačeńnie, viadomaje jak Carbanak i Cobalt.
Taktyka bandy ŭklučała prahramavańnie bankamataŭ na vydaču najaŭnych u vyznačany čas, a taksama manipulacyi ź sietkami elektronnych płaciažoŭ. Prybytak złačyncy admyvali z dapamohaj kryptavaluty.
Jak piša ispanskaje vydańnie El Mundo, 34-hadovy ŭkrainiec Dzianis K. žyŭ ananimna ŭ Alikante z žonkaj i synam i byŭ aryštavany 6 sakavika. Ciapier jon znachodzicca ŭ turmie ŭ Ispanii, sprava budzie pieradadziena ŭ Nacyjanalny sud.
Pa dadzienych ispanskaha MUS, złačyncam udałosia arhanizavać chakierskija ataki na 300-400 bankaŭ Rasii. Z 50 rasijskich bankaŭ hrošy byli vykradzienyja.