Za atrymańnie chabaraŭ zatrymany namieśnik načalnika budaŭničaha ŭpraŭleńnia, jakoje zajmajecca ŭźviadzieńniem druhoj uźlotnaj pałasy aeraporta «Minsk», piša pres-słužba Kamiteta dziaržaŭnaha kantrolu.
Apieratyŭnikami staličnaj finansavaj milicyi pa padazreńni ŭ atrymańni chabaru zatrymany namieśnik načalnika budaŭničaha ŭpraŭleńnia, zaniataha na ŭźviadzieńni druhoj uźlotnaj pałasy Nacyjanalnaha aeraporta «Minsk».
Padčas apieratyŭnych mierapryjemstvaŭ było ŭstanoŭlena, što jon sistematyčna atrymlivaŭ hrašovyja srodki ad kiraŭnikoŭ subjektaŭ haspadarańnia, jakija pryciahvajucca dla vykanańnia rabot u chodzie realizacyi inviestycyjnaha prajekta «Budaŭnictva ŭ Nacyjanalnym aeraporcie «Minsk» druhoj uźlotnaj štučnaj pałasy». Tak, u 2017 hodzie za pradastaŭleńnie abjomaŭ budaŭničych rabot hetaj słužbovaj asobaj było atrymana chabaraŭ na 15 tys. dalaraŭ u ekvivalencie.
U dačynieńni da namieśnika načalnika budaŭničaha ŭpraŭleńnia zaviedziena kryminalnaja sprava pa č. 1 art. 430 Kryminalnaha kodeksa, pravodziacca śledčyja dziejańni. Padazravany źmieščany pad vartu.
