U niadzielu, 25 sakavika, u Słuckim haradskim Domie kultury prajšoŭ kancert «Śviata niezaležnaści» u honar 100-hadovaha jubileju zasnavańnia BNR, paviedamlaje «Infa-Kurjer».
Pasłuchać biełaruskich artystaŭ pryjšli 80 hledačoŭ roznych uzrostaŭ. Svaje pieśni zaśpiavali bard Źmicier Bartosik z Homiela, hrupa «CharaČakra» z Salihorsku i Aleś Dzianisaŭ — udzielnik hrupy «Dzieciuki».
U Dom kultury pryjšli pieravažna piensijaniery, ale byli siemji ź dziećmi i maładyja ludzi.
Hamialčanin Źmicier Bartosik, jaki pačaŭ kancert, vykanaŭ svaje aŭtarskija pieśni pad hitaru — liryčnyja i žartoŭnyja pieśni pra žyćcio biełarusaŭ.
Hrupa «Charačakra» vystupiła ŭ pašyranym składzie — da flejty, pierkusii i hitary dałučyłasia bas-hitara. Lidar hurta Źmicier Haračka skazaŭ, što rady, što haradskija ŭłady dazvolili hety kancert, što heta dobry znak.
Apošnim u prahramie vystupiŭ Aleś Dzianisaŭ — lidar biełaruskaha rok-kalektyva «Dzieciuki». Jon praśpiavaŭ čatyry pieśni, adna ź jakich była «Słučaki» — pra hierojaŭ Słuckaha zbrojnaha čynu 1920 hoda, jakija ŭ svoj čas zmahalisia za viartańnie niezaležnaści Biełarusi.
