Uładzimir Niaklajeŭ, fota Siarhieja Hudzilina
Siabry Rady arhanizacyi pratestujuć suprać źniavoleńnia i niespraviadlivych abvinavačvańniaŭ u dačynieńni Uładzimira Niaklajeva.
21 sakavika 2018 hoda, u liku inšych palityčnych aktyvistaŭ, byŭ aryštavany i kinuty za kraty siabra Rady našaj arhanizacyi, najviadomiejšy biełaruski paet i prazaik, łaŭreat Dziaržaŭnaj premii imia Janki Kupały Uładzimir Niaklajeŭ. Pavodle niečaj złoj ironii, jaho aryšt supaŭ sa śviatkavańniem Mižnarodnaha dnia paezii.
Vidavočnym źjaŭlajecca toj fakt, što źniavoleńnie Uładzimira Niaklajeva źviazana z praviadzieńniem u Minsku 25 sakavika śviatočnych mierapryjemstvaŭ u honar 100-hodździa z dnia abviaščeńnia niezaležnaści Biełaruskaj Narodnaj Respubliki. Tym nie mienš, jak stała viadoma, aficyjna Uładzimiru Niaklajevu inkryminujecca «zaklik da ŭdziełu ŭ niesankcyjanavanych masavych mierapryjemstvach», a mienavita — minułahodniaje intervju telekanału «Biełsat», dzie jon vykazaŭ mierkavańnie, što «kali jość vola abaraniać svaje pravy, treba iści i ich abaraniać». Niahledziačy na pratesty hramadskich arhanizacyj i pravaabaroncaŭ, Uładzimir Niaklajeŭ byŭ pryznany vinavatym i asudžany da administratyŭnaha aryštu, jaki orhanami vykanańnia prysudaŭ byŭ prymierkavany da 100-hodździa biełaruskaj niezaležnaści.
Vykazvajučy abureńnie dziejańniami orhanaŭ unutranych spraŭ,
Ličym, što źniavoleńnie Uładzimira Niaklajeva naŭprost suadniesiena z pravam jaho jak hramadzianina na vykazvańnie svajoj pazicyi, a takim čynam hety aryšt parušaje adno z asnoŭnych pravoŭ čałavieka, zamacavanych u Kanstytucyi, — prava na svabodu słova.
Patrabujem ad biełaruskich uładaŭ spynić represii ŭ dačynieńni da Uładzimira Niaklajeva, nieadkładna vyzvalić jaho ź izalatara, źniać niespraviadlivyja abvinavačańni, a taksama pryciahnuć da adkaznaści tych słužbovych asobaŭ, jakija parušajuć kanstytucyjnyja pravy hramadzian.
Pad zajavaj padpisalisia:
Aksak Valancina
Alachnovič Mikoła
Arłoŭ Uładzimir
Bahdanovič Iryna
Baravikova Raisa
Baroŭski Anatol
Brava Alena
Vasiučenka Piatro
Viarcinski Anatol
Hołub Jurka
Dajnieka Leanid
Dalidovič Hienrych
Dubatoŭka Valancin
Dubianieckaja Halina
Žuk Aleś
Žukovič Vasil
Zujonak Vasil
Kaźko Viktar
Karamazaŭ Viktar
Karžanieŭskaja Halina
Klimkovič Maksim
Łaziebnaja Anastasija
Paškievič Aleś
Piatrovič (Sačanka) Barys
Siŭčykaŭ Uładzimir
Skobła Michaś
Sprynčan Aksana
Ścieburaka Usievaład
Fiedarenka Andrej
Chadanovič Andrej
Chatenka Antanina
Ćvirka Kastuś
Jackoŭ Mikoła
