Forma vypusknoha ekzamienu za kurs siaredniaj škoły pavinna adpaviadać formie pastupleńnia ŭ VNU, ličyć ministr adukacyi.
— Siońnia forma atestacyi za kurs siaredniaj škoły nie adpaviadaje formie atestacyi pry pastupleńni ŭ vyšejšyja navučalnyja ŭstanovy. Raniej, kali my pisali ŭ škole sačynieńnie, to vyrazna viedali, što pry pastupleńni ŭ VNU taksama budziem pisać sačynieńnie. A zaraz atrymlivajecca tak: ja pišu pierakaz, pišu kantrolnuju rabotu pa matematycy ŭ škole, a prychodziačy pastupać u VNU, zdaju testy — zusim inšaja forma atestacyi. Tamu dla nas vidavočna, što forma vypusknoha ekzamienu za kurs siaredniaj škoły pavinna adpaviadać formie pastupleńnia ŭ vyšejšuju navučalnuju ŭstanovu, — skazaŭ jon.
Ministr adznačyŭ, što ciapier hetyja pytańni ŭžo prapracoŭvajucca śpiecyjalistami instytuta raźvićcia adukacyi, Nacyjanalnaha instytuta adukacyi i akademii paśladypłomnaj adukacyi razam ź piedahahičnaj hramadskaściu. Čakajecca, što novaŭviadzieńnie zapracuje da 2020 hoda.
