Minskija ŭłady adkazali admovaj hrupie zajaŭnikaŭ, jakija prasili pravieści 25 sakavika ŭ Minsku nie tolki mitynh-kancert na «Śviata niezaležnaści», ale i nievialikaje šeście da jaho — ad parku Janki Kupały, što nasuprać cyrka, da placoŭki kancerta la Opiernaha teatra, raskazaŭ Svabodzie adzin z zajaŭnikaŭ Juraś Hubarevič.
Pieršuju zajaŭku, što ŭklučała mitynh-kancert i šeście, ułady adchilili, ale zatym pryniali zajaŭku na mitynh-kancert biez šeścia — kancert sankcyjanavany, bieł-čyrvona-biełyja ściahi dazvolenyja, ale budzie milicejski kardon z ahladam. Zajaŭka na mitynh-kancert padavałasia hrupaj jurydyčnych asobaŭ, zvarot nakont šeścia padavaŭsia ad hrupy fizičnych asobaŭ
Siońnia čakajecca taksama adkaz nakont inšaha šeścia ŭ Minsku: paplečniki Mikoły Statkieviča padali asobnuju zajaŭku na «Maršu hodnaści i voli» 25 sakavika. Statkievič raniej zajaviŭ, što praviadzie šeście, navat kali jaho nie dazvolać.
