Kampanija Uber zajaviła ab spynieńni vyprabavańniaŭ bieśpiłotnych aŭtamabilaŭ va ŭsich haradach ZŠA paśla darožnaha zdareńnia sa śmierciu čałavieka.
U paniadziełak u horadzie Tempie, štat Aryzona, taki aŭtamabil źbiŭ žančynu, jakaja pierachodziła darohu.
Kampanija paviedamiła, što supracoŭničaje z uładami štata ŭ rasśledavańni incydentu.
Letaś kampanija Uber užo spyniała vyprabavańni bieśpiłotnych aŭtamabilaŭ, paśla taho jak pazadarožnik marki Volvo pieraviarnuŭsia ŭ Aryzonie.
Kiraŭnik kampanii Dara Chasroŭšachi zajaviŭ, što hłyboka zasmučany trahičnaj viestkaj.
«Našy dumki — ź blizkimi zahinułaj, i my supracoŭničajem ź miascovymi pravaachoŭnymi orhanami, kab zrazumieć, što adbyłosia», — napisaŭ jon u «Tvitary».
U DTZ užo traplali i bieśpiłotnyja aŭtamabili, raspracavanyja inšymi kampanijami — u pryvatnaści, mašyna, jakuju vypraboŭvała karparacyja Google, padčas zajezdu ŭ 2016 hodzie ŭrezałasia ŭ bort aŭtobusa. Tady paciarpiełych nie było.
