Biełaruskija paralimpijcy zavajavali na Hulniach u Pchiončchanie 12 uznaharodaŭ (4 załatyja, 4 siarebranyja, 4 bronzavyja) i raźmiaścilisia na 8-m radku miedalnaha zaliku.
Napieradzie ZŠA (13, 15, 8), Rasija, jakaja vystupała pad niejtralnym ściaham (8, 10, 6), Kanada (8, 4, 16), Francyja (7, 8, 5), Hiermanija (7, 8, 4), Ukraina (7, 7, 8), Słavakija (6, 4, 1).
Śviatłana Sachonienka i jaje «hajd» Raman Jaščanka. Fota: «Sportivnaja panorama»
U Śviatłany Sachonienka 4 uznaharody ŭ spabornictvach siarod spartsmienak z parušeńniami zroku — 3 załatyja (u łyžnym spryncie na 1,5 km kłasičnym stylem, u łyžnaj honcy na 15 km volnym stylem, u łyžnaj honcy na 7,5 km kłasičnym stylem) i 1 bronzavy (bijatłonny sprynt na 6 km). Zavajoŭvać uznaharody Śviatłanie dapamahaŭ viadučy Raman Jaščanka.
Juryj Hołub (na fota sprava) sa svaim lidaram Dźmitryjem Budziłovičam. Fota: Alaksiej Kavaloŭ, «Sportivnaja panorama»
Juryj Hołub zavajavaŭ 4 miedali ŭ spabornictvach siarod spartsmienaŭ z parušeńniami zroku — 1 zołata (u bijatłonnaj honcy na 12,5 km), 2 siarebranyja (u bijatłonnym spryncie na 7,5 km i ŭ łyžnaj honcy na 20 km), 1 bronzavy (łyžnaja honka na 10 km kłasičnym stylem). Na trasie Juryju dapamahaŭ viadučy Dźmitryj Budziłovič.
Dźmitryj Łoban, fota Alaksieja Kavalova, foto «Sportivnaja panorama»
Kapitan biełaruskich paralimpijcaŭ u Pchienčchanie Dźmitryj Łoban zavajavaŭ 2 miedali ŭ spabornictvach z parušeńniami aporna-ruchalnaha aparata. U jaho aktyvie 2 siarebranyja (u bijatłonnym spryncie na 7,5 km i ŭ łyžnym spryncie na 1,1 km).
Lidzija Hrafiejeva, fota «Sportivnaja panorama»
Lidzija Hrafiejeva vyjhrała 2 uznaharody ŭ spabornictvach siarod spartsmienak z parušeńniami aporna-ruchalnaha aparata, na jaje rachunku 2 bronzy (u bijatłonnym spryncie na 6 km i ŭ bijatłonnaj honcy na 12,5 km).
Na minułaj Paralimpijadzie ŭ Sočy-2014 biełaruskija paralimpijcy zavajavali 3 bronzavyja ŭznaharody.
Pierad Hulniami ŭ Pchiončchanie kiraŭnik Paralimpijskaha kamiteta Biełarusi Aleh Šepiel nacelvaŭ kamandu na zavajovu 5 miedaloŭ.
