Lidzija Hrafiejeva, jakaja zavajavała siońnia bronzu ŭ bijatłonnaj honcy na 12,5 km, fota AP — BiełTA
Biełaruskija paralimpijcy, vystupajučy ŭ Pchiončchanie, robiać cudy. Pra heta zajaviŭ siońnia žurnalistam Alaksandr Łukašenka, naviedvajučy vajskovuju čaść 5448 unutranych vojskaŭ MUS, piša BiełTA.
«Ja vielmi šmat hladžu tranślacyj z Paralimpijady, kali jość mahčymaść, nie - u zapisie hladžu. Ja prosta palubiŭ hetych ludziej. Heta ž mužnyja ludzi! Jak jany zmahajucca! Kali b našy spartsmieny «biez abmiežavańniaŭ» tak vystupali, u nas by pa 30-40 miedaloŭ było», — skazaŭ jon.
Pa słovach Alaksandra Łukašenki, jon čakaje viartańnia paralimpijcaŭ na radzimu, kab padziakavać, uznaharodzić i «zapłacić za ich niejmaviernuju pracu».
Pakul na Paralimpijadzie biełarusy zavajavali dziesiać miedaloŭ (try załatyja, čatyry siarebranyja i try bronzavyja)
