Historyk ź Biełastoka Aleh Łatyšonak rastłumačyŭ, čamu polskija biełarusy nie pajšli na sastupki, kab Lavon Volski zmoh vystupić na kancercie ŭ Minsku 25 Sakavika.
Aleh Łatyšonak. Fota svaboda.org.
Arhanizatary prasili, kab zapłanavany zahadzia kancert Volskaha ŭ Polščy pasunuli chacia b na paru hadzin.
Usurjoz razhladaŭsia varyjant, što adrazu paśla vystupu la Opiernaha Volski palacić da miažy na viertalocie. Navat znajšłasia kampanija, jakaja była hatovaja vydzielić hielikoptar, damaŭlalisia nakont «zialonaha kalidora» na biełaruska-polskaj miažy.
Pytańnie — litaralna ŭ niekalkich hadzinach. Bo ŭ ciapierašnich časavych pramiežkach paśpieć nu nijak nie atrymlivałasia.
Ale arhanizatary vystupu Volskaha ŭ Biełastoku pajšli na pryncyp. Maŭlaŭ, nie, nijakich sastupak. Paabiacaŭ vystupać u nas, to i vystupaj.
Čytajcie taksama: Lavon Volski nie vystupić kala Opiernaha 25 sakavika praz abaviazki pierad biełarusami Biełastoka
Biełastocki biełarus Aleh Łatyšonak tłumačyć pazicyju nastupnym čynam:
«My majem daŭno zroblenuju prahramu, dasłanyja zaprašeńni. My — jeŭrapiejcy, tamu nie mianiajem svaje płany. Nie naša vina, što niešta tut dazvolili ŭ Minsku. Naša damoŭlenaść isnuje jašče z červienia 2017 hoda, i niešta źmianiać praz kancert u Minsku nie źbirajemsia. My žyviom svaim žyćciom. I kali kamuści zdajecca, što vystup muzykaŭ 25 Sakavika ŭ Minsku — heta epachalnaja padzieja, to my hetaha nie adčuvajem», — adznačyŭ Łatyšonak.
Prapanovu vystupić sa sceny ŭ Minsku, a paśla razam z Volskim palacieć u Biełastok Łatyšonak nie acaniŭ. «A čaho mnie tam vystupać?» — adkazaŭ jon.
Čytajcie taksama. Andrej Dyńko: U situacyi z vystupam Volskaha ŭ Biełastoku ŭražvaje parafijalnaść myśleńnia biełastaččan
