Stała viadoma, chto vystupić na śviatočnym kancercie 25 sakavika kala Opiernaha teatra ŭ Minsku.
U śviatočnym dazvolenym mierapryjemstvie, što pačniecca a 13- hadzinie, voźmuć udzieł Dzieciuki, Akute, Amaroka, «Mutnaje voka», RSP, Kasia Kamockaja, Ihar Varaškievič, Juryj Stylski, Piatro Klujeŭ.
Nahadajem, što Lavon Volski nie zmoža vystupić užyvuju ŭ Miensku praz abaviazki pierad hledačami ŭ Biełastoku. Ale budzie vystupać u vyhladzie telemosta.
Pačatak zboru pryznačany na 13.00. Z hetaha času na hałoŭnaj scenie śviata pačniecca muzyčnaja prahrama z vystupami hurtoŭ «Mutnajevoka» i «Amaroka».
Paralelna na terytoryi festu pačnuć pracavać tematyčnyja placoŭki:
— «Vulica BNR» z prezientacyjnymi stendami i zonami aktyŭnaściaŭ ad tvorčych, kulturnickich, hramadskich i palityčnych arhanizacyj krainy;
— «Ježa BNR» z kropkami charčavańnia, dehustacyjnymi stendami, fud-kortami i biełaruskimi stravami;
— «Kirmaš BNR» z suvienirami i padarunkami ŭ nacyjanalnym styli, biełaruskamoŭnaj litaraturaj i nastolnymi hulniami, prezientacyjaj raznastajnaj pradukcyi da 100-hodździa BNR;
— placoŭka «Dzietki BNR» z adukacyjna-zabaŭlalnymi zaniatkami dla dzietak, hulniami i akvahrymam u nacyjanalnym styli.
A 14-j hadzinie ŭračysta adkryjecca «Śviata Niezaležnaści». Jaho praviaduć lehiendarnaja dyktarka Biełaruskaha telebačańnia Zinaida Bandarenka i viadoŭca telekanału «Biełsat» Usievaład Ścieburaka.
Płanujucca vystupy zaprošanych haściej, začytvańnie 3-j Ustaŭnoj hramaty, teatralna-muzyčnaja prahrama z udziełam aktoraŭ «Svabodnaha teatra» i muzykaŭ. Śpiavačka Taćciana Hrynievič i mužčynski chor «Headspring» vykanajuć nacyjanalnyja himny biełarusaŭ «My vyjdziem ščylnymi radami», «Mahutny Boža» i «Pahonia».
Z 15.00 da 19.00 na hałoŭnaj scenie Śviata zapłanavanyja vystupy Ihara Varaškieviča i hurta «Krama», Kasi Kamockaj ź pieśniami hurta «Novaje Nieba», Piatra Klujeva ź biełaruskamoŭnymi chitami XXI stahodździa, lidara hurta «Daj Darohu!» Juryja Stylskaha, papularnych hurtoŭ «Akute», «RSP», «Dzieciuki». Vystupy jašče niekalkich viadomych hurtoŭ buduć abvieščanyja za niekalki dzion da 25 sakavika.
Muzyčna-zabaŭlalnuju častku śviata buduć vieści aktory «Svabodnaha teatra» Alaksiej Saprykin i Julija Šaŭčuk.
