Za atrymańnie chabaraŭ u Barysavie sudziać padpałkoŭnika z vučebnaha centra ŭ Piečach. Mužčynu pahražaje ad troch da dziesiaci hadoŭ pazbaŭleńnia voli, piša Tut.by
Fihurantam pa spravie prachodzić padpałkoŭnik K., jakoha abvinavačvajuć pa č. 1, 2 art. 430 KK (Atrymańnie chabaru, paŭtorna). Pra heta tut.by paviedamiŭ viadučy śpiecyjalist suda Barysaŭskaha rajona Dźmitryj Kryvieła.
Pavodle sankcyi artykuła, mužčynie pahražaje ad 3 da 10 hadoŭ pazbaŭleńnia voli. Da zatrymańnia jon byŭ načalnikam fizpadrychtoŭki i sportu ŭ 72-m Abjadnanym navučalnym centry.
«Abvinavačvajecca ŭ tym, što pry praviadzieńni pravierak fizpadrychtoŭki patrabavaŭ asabista abo praź inšych asob nabyvać dla siabie śpirtnoje i pradukty charčavańnia. Ich potym prymaŭ za ŭtojvańnie sapraŭdnaha stanovišča spraŭ ab stanie fizpadrychtoŭki i vystaŭleńnie stanoŭčych acenak», — udakładniła pradstaŭnik Viarchoŭnaha suda Julija Laskova.
Praces idzie paralelna z tym, jak u Barysavie za chabar, pieravyšeńnie paŭnamoctvaŭ i abrazy sałdat sudziać praparščyka ź Piečaŭ. Dźvie spravy pastupili ŭ sud amal u adzin čas, ale ŭ ŚMI pra ich raniej nie paviedamlałasia.
Čarhovaje pasiedžańnie pa spravie projdzie 14 sakavika.
