Aficyjny pradstaŭnik rasijskaha MZS Maryja Zacharava aburyłasia ultymatumam premjera Vialikabrytanii Terezy Mej pa «spravie Skrypala». Pra heta Zacharava raspaviała ŭ efiry «Rasija 1» u prahramie «60 chvilin».
«Nivodny čałaviek nie moža vyjści pierad parłamientam svajoj krainy i skazać: «Ja daju Rasii 24 hadziny». A havorka idzie pra Łondan, jaki źjaŭlajecca stalicaj jadziernaj dziaržavy Kamu heta, na što jany dajuć 24 hadziny?!»- skazała Zacharava.
Pavodle jaje słoŭ, kali premjer-ministram krainy źjaŭlajecca čałaviek, jaki nie maje dačynieńnia da źniešniaj palityki, «pabudavaŭ karjeru na papuliźmie» i «nie viedaje» ab kanviencyjach pa zabaronie chimzbroi, to dla jaho ŭ ramkach dazvolenaha «vyjści i pačać pałochać».
Pavodle jaje słoŭ, u Brytanii niama nijakich realnych dokazaŭ datyčnaści Rasii da atručvańnia Skrypala. «Pra jad nichto ničoha nie viedaje. Davajcie kazać sumlenna i abjektyŭna. Ni Tereza Mej, u jakoj niama nijakich realna faktaŭ na rukach.
Jaje bryfinhuje niezrazumieła chto i niezrazumieła jak», - zajaviła supracoŭnica MZS RF.
U paniadziełak premjer-ministr Vialikabrytanii Tereza Mej, vystupajučy ŭ parłamiencie, zajaviła ab vierahodnaj datyčnaści Rasii da atručvańnia eks-raźviedčyka HRU Siarhieja Skrypala i jaho dački Julii ŭ Sołśbiery.
